Rasija pačynaje ličyć avijarejsy ź Biełarusi mižnarodnymi, a nie ŭnutranymi
Rasija ŭviadzie pahraničny kantrol samalotaŭ i pasažyraŭ, jakija prybyvajuć ź Biełarusi i adlatajuć tudy. Z 15 maja ŭsie rejsy pamiž Rasijaj i Biełaruśsiu buduć pieraviedzieny ŭ mižnarodnyja terminały rasijskich aeraportaŭ.
Pra heta raspavioŭ dziaržsakratar Sajuznaj dziaržavy Ryhor Rapota, paviedamlaje BFM sa spasyłkaj na ria.ru.
Novyja praviły nie zakranuć hramadzian Rasii i Biełarusi, dadaŭ jon.
Rapota rastłumačyŭ, što adzinym źmianieńniem, jakoje zakranie hramadzian Rasii i Biełarusi, stanie abaviazak zachoŭvać pasadačny tałon, jaki jany pavinny buduć pradstavić pry prachodžańni kantrolu ŭ aeraportach Rasii.
«Adznaki ab pierasiačeńni miažy ŭ pašparcie prastaŭlać nie buduć», — padkreśliŭ Rapota.
Pierasiakać miažu hramadzianie dźviuch krain buduć pa ŭnutranych pašpartach. Novy paradak nie ŭščamlaje pravy rasiejcaŭ i biełarusaŭ, ličyć Rapota.
«Dla rasijanaŭ i biełarusaŭ ničoha nie mianiajecca — jak jany pierasiakali miažu biez abmiežavańniaŭ, tak i buduć pierasiakać. Kali dla zručnaści budzie patrebny dadatkovy kalidor, značyć, pamiežniki jaho ŭviaduć. Pra heta damoŭlenaść ź imi jość», — zajaviŭ jon.
Pry hetym Rapota skazaŭ, što jamu ničoha nie viadoma pra toje, ci buduć anałahičnyja miery ŭviedzieny dla inšych vidaŭ transpartu.
***
U lutym Rasija ŭstanaviła pamiežnuju zonu na miežach Smalenskaj, Pskoŭskaj i Branskaj abłaściej ź Biełaruśsiu. Zahad ab hetym vypuściŭ dyrektar FSB Alaksandr Bortnikaŭ. Da hetaha na miažy krainaŭ nie było pahraničnych zon.
Za miesiac da hetaha Alaksandr Łukašenka padpisaŭ ukaz ab biaźvizavym ŭjeździe ŭ krainu dla hramadzian 80 krain na termin nie bolš za piać sutak. Dazvoł raspaŭsiudžvajecca na krainy Jeŭrasajuza, a taksama ZŠA, Kanadu, Kitaj, Japoniju, Braziliju i inšyja.