U Minsku projdzie akcyja pa biazvypłatnaj zdačy kryvi
Akcyja pa biazvypłatnaj zdačy kryvi projdzie 12 maja ŭ Haradskim centry transfuzijałohii 6-j haradskoj kliničnaj balnicy, paviedamili BIEŁTA ŭ balnicy.
Mierapryjemstva arhanizavanaje ŭ farmacie prajekta pa biazvypłatnym donarstvie Partyzanskaj rajonnaj arhanizacyjaj Biełaruskaha tavarystva Čyrvonaha Kryža i administracyjaj ustanovy. U im voźmuć udzieł spartsmieny futbolnaha kłuba «Minsk», supracoŭniki Hałoŭnaha statystyčnaha ŭpraŭleńnia stalicy, studenty Mižnarodnaha dziaržaŭnaha ekałahičnaha instytuta imia A. D. Sacharava BDU, navučency Minskaha dziaržaŭnaha miedycynskaha kaledža.
Nahadajem, metanakiravanaja rabota pa adradžeńni biazvypłatnaha donarstva pravodzicca ŭ Biełarusi z 2013 hoda. Pa inicyjatyvie Ministerstva achovy zdaroŭja ŭ 2015 hodzie padpisany zakon «Ab uniasieńni dapaŭnieńniaŭ i źmianieńniaŭ u niekatoryja zakony Respubliki Biełaruś pa pytańniach donarstva kryvi i jaje kampanientaŭ», dzie zamacavanaja pryjarytetnaść vykanańnia donarskaj funkcyi na biazvypłatnaj asnovie, urehulavanyja pytańni pradastaŭleńnia harantyj i kampiensacyj biazvypłatnym donaram. Adbyłosia kanceptualnaje źmianieńnie padychodu da donarstva, jakoje vyznačajecca jak svabodna vyražany dobraachvotny akt, jaki maje na mecie vykazvańnie hramadzianskaj pazicyi, a nie imknieńnie atrymańnia peŭnych hrašovych kampiensacyj i lhot.