Rasijanin sprabavaŭ uvieźci ŭ Biełaruś marychuanu i halucynahiennyja hryby
U mižnarodnym aŭtadarožnym punkcie propusku «Brest» u sałonie aŭtamabila 38-hadovaha žychara Kastramy, jaki ruchaŭsia z Polščy ŭ Rasiju, supracoŭniki Bresckaj mytni z vykarystańniem mahčymaściaŭ kinałahičnaj słužby pad abšyŭkaj bahažnika i ŭ popielnicy znajšli frahmienty pładovych cieł hryboŭ i marychuanu. Pra heta paviedamlajecca na sajcie viedamstva.
Pavodle zaklučeńnia śpiecyjalista ŭpraŭleńnia Dziaržaŭnaha kamiteta sudovych ekśpiertyz pa Bresckaj vobłaści, hryby masaj 10,2 h utrymlivajuć asabliva niebiaśpiečnaje psichatropnaje rečyva «psiłacyn».
U dačynieńni da kiroŭcy raspačataja kryminalnaja sprava pa prykmietach č. 2 art. 328-1 KK (niezakonnaje pieramiaščeńnie praź dziaržaŭnuju miažu Biełarusi narkatyčnych srodkaŭ, psichatropnych rečyvaŭ abo ich prekursoraŭ abo anałahaŭ). Sankcyi dadzienaha artykuła praduhledžvajuć pakarańnie ŭ vyhladzie pazbaŭleńnia voli na termin ad piaci da dziesiaci hadoŭ z kanfiskacyjaj majomaści abo biez kanfiskacyi.