Supracoŭnik DAI padaŭ u sud za abrazu ŭ «Vajbiery». I vyjhraŭ
Hetaja historyja pačałasia jašče ŭ pačatku lutaha 2017 hoda. Supracoŭnik DAI z Hancavič atrymaŭ ad znajomych paviedamleńnie ab tym, što ŭ hutarcy «DPS Hancavičy», stvoranaj na płatformie Viber, u jaho adras pastupili abraźlivyja vykazvańni.
Inśpiektar zajšoŭ u čat i ŭbačyŭ, što paviedamleńnie z abrazaj pračytali ŭsie ŭdzielniki hutarki — usiaho 144 čałavieki.
Tady daišnik źviarnuŭsia ŭ sud.
Pasiadžeńnie suda adbyłosia 3 maja 2017 hoda. Vyvučyŭšy ŭsie materyjały spravy, sud pryznaŭ abvinavačanaha — 29-hadovaha ŭradženca Kazachstana — vinavatym u naŭmysnym prynižeńni honaru i hodnaści asoby, vykazanaje ŭ nieprystojnaj formie, naniesienym u publičnym vystupie, paviedamlaje pres-słužba DAI Bresckaj vobłaści.
U vyniku abvinavačany pavinien budzie spłacić štraf u pamiery 50 bazavych (1150 rubloŭ).