Kiraŭnik Jeŭrakamisii: Anhlijskaja mova hublaje značeńnie ŭ Jeŭropie
Anhlijskaja mova zdaje svaje pazicyi ŭ Jeŭropie, zajaviŭ staršynia Jeŭrakamisii Žan-Kłod Junkier. Takuju zajavu jon zrabiŭ na kanfierencyi ŭ Italii, dzie vystupiŭ z pramovaj na francuzskaj, a nie na anhlijskaj movie, paviedamlaje VVS.
«Pavolna, ale dakładna anhlijskaja mova hublaje značeńnie ŭ Jeŭropie, u tym liku tamu, što ciapier vybary ŭ Francyi», — patłumačyŭ jon vybar movy. Replika była sustretaja śmiecham i apładysmientami.
«My budziem vieści pieramovy z našymi brytanskimi siabrami biez praduziataści. Ale davajcie nie zabyvać, što heta nie ES pakidaje Vialikabrytaniju, a Vialikabrytanija pakidaje ES», — adznačyŭ kiraŭnik Jeŭrakamisii ŭ svajoj pramovie.
Na minułym tydni niamieckaja presa pisała ab napružanaj sustrečy kiraŭnika Jeŭrakamisii i brytanskaha premjer-ministra Terezy Mej, na jakoj abmiarkoŭvaŭsia vychad Vialikabrytanii ź ES. Tady Junkier nibyta skazaŭ, što paśla hutarki z Mej jon nastrojeny «ŭ dziesiać razoŭ bolš skieptyčna, čym da hetaha».