Dva novyja harady
Haradzki status viarnuli Krynki, atrymała Michałova.
Krynki (Sakolski paviet) znoŭ, a Michałova (Biełastocki paviet) pieršy raz buduć haradami. Rada ministraŭ Polščy pryniała takoje rašeńnie.
Vojty hmin, u jakich raspałožany hetyja miascovaści, ciešacca. Bolš prestyžnym budzie ličycca haradžanami.
Krynki byli horadam ad 1509 hoda, ad času nadańnia jamu hierba karalom Žyhimontam Starym. Ad taho času žychary Krynak mahli zvacca miaščanami. U 1569 h. Žyhimont Aŭhust nadaŭ Krynkam haradskija mahdeburhskija pravy, jakija harantavali miestu samakiravańnie. Jany pierastali być horadam u 1950 hodzie.
U svaju čarhu Michałova jak samastojnaja administracyjnaja adzinka było stvorana ŭ 1868 hodzie, ale ŭźnikła jana jak Niazbodka ŭ pačatku XVIII st., a na pačatku XIX st. stała ŭłasnaściu Sieviaryna Michałoŭskaha, jaki zasnavaŭ tut pieršaje pasialeńnie dla niamieckich fabrykantaŭ.