Bujalski: Kompleks pierad Rasiejaj
Zbornaja Biełarusi pa baskietbole prajhrała druhi matč na Alimpijadzie. Na hety raz dziaŭčaty sastupili čempijonkam Eŭropy – rasijankam.
Zbornaja Biełarusi pa baskietbole prajhrała druhi matč na Alimpijadzie. Na hety raz dziaŭčaty sastupili čempijonkam Eŭropy – rasijankam.
Našy ŭschodnija susiedki nie pakazali ŭ svajoj hulni ničoha asablivaha, ale biełaruski nibyta ŭvieś čas adčuvali lohki pijetet pierad supiernicami. Zdavałasia, chaj by kamanda Bujalskaha dadała trošačku ŭ planie dyscyplinavanaści ŭ abaronie, i vyjhryš by całkam mahčymy. Asabliva viasiołuju atakujučuju karusel našy baskietbalistki zakrucili ŭ apošniaj čverć, jakuju vyjhrali ź likam 25:19. Zrešty, da ahulnaj pieramohi hetaha tak i nie chapiła – 65:71.
Heta ŭžo čaćviortaja paraza biełarusak ad rasijanak ciaham apošniaha hodu. Jak zajaviŭ u interviju dla infarmacyjnaha ahienctva BIEŁTA Anatol Bujalski, u našych dziaŭčat skłaŭsia niejki svojeasablivy kompleks pierad zbornaj Rasiei. «Navat na matč z čempijonkami śvietu aŭstralijkami kamanda vychodzić bolš raźniavolenaja», – kaža A.Bujalski.
Tym časam siońnia adrazu troje biełaruskich barcoŭ mohuć zavajavać bronzavy medal. Heta Michaił Siamionaŭ i Aleh Michałovič u baraćbie hreka-rymskaj, a taksama Andrej Kazusionak u dziudo.
Niaŭdała vystupiła ŭ stralbie z małakalibernaj vintoŭki Viktoryja Čajka, jakaja nie zmahli prajści ŭ vaśmiorku macniejšych.
Siońnia na Alimpijadzie svoj pieršy boj praviadzie apošni pradstaŭnik Biełarusi ŭ boksie.