Viktar Ivaškievič znoŭ z dvuma ściahami + fota
12 žniŭnia 2008 h. z 17 pa 19 hadzin na płoščy Kazinca ŭ Miensku namieśnik staršyni partyi BNF Viktar Ivaškievič, jaki vyłučajecca kandydatam u deputaty na parlamenckija vybary 28 vieraśnia pa Kastryčnickaj akruzie, pravioŭ pikiet pa zbory podpisaŭ u padtrymku svajho vyłučeńnia.
12 žniŭnia 2008 h. z 17 pa 19 hadzin na płoščy Kazinca ŭ Miensku namieśnik staršyni partyi BNF Viktar Ivaškievič, jaki vyłučajecca kandydatam u deputaty na parlamenckija vybary 28 vieraśnia pa Kastryčnickaj akruzie, pravioŭ pikiet pa zbory podpisaŭ u padtrymku svajho vyłučeńnia.
Viktar Ivaškievič stajaŭ pad nacyjanalnym bieł‑čyrvona‑biełym ściaham i błakitna‑zornym ściaham Eŭrasajuzu, ideju dałučeńnia da jakoha jon imkniecca papularyzavać. Pobač ź im Uładzimir Padhoł prapanoŭvaŭ minakam cytatniki vykazvańniaŭ Alaksandra Łukašenki i film «Płošča». Praz 10 chvilin paśla pačatku dziei da pikietoŭcaŭ padjechała patrulnaja mašyna milicyi (bartavy numar K400) i padyšoŭ namieśnik staršyni Kastryčnickaha RUUS pa achovie hramadzkaha paradku. Jon, a taksama vysoki čałaviek u čornym, padobny na AMAPaŭca, dziažuryli niepadalok uvieś čas pikieta.
Za čas pikietu źjavilisia dźvie mašyny — «Vołha» (9710 MVK) i «Łada», u abodvuch znachodzilisia pa dvoje ŭ štackim. Pradstaŭniki abodvuch «sałodkich paračak» prykładna pa paŭhadziny viali aperatyŭnyja zdymki na videa.
Hrupa Ivaškieviča sabrała na 12 žniŭnia blizka tysiačy podpisaŭ. Za čas pikiet było sabrana jašče 18 podpisaŭ.