Rasieja pryznała stratu 264 vajskoŭcaŭ u časie 5-dzionnaha kanfliktu
U tym liku zahinuła 74 vajskoŭcy. Z hruzinskaha boku zahinuła 175 čałaviek, paviedamiŭ ministar achovy zdaroŭja Hruzii Sandro Kvitašvili.
Rasieja straciła ŭ zonie kanfliktu z Hruzijaj 74 vajskoŭcy zabitymi, 171 — paranienymi, 19 čałaviek prapali biaź viestak. Takija ličby padaŭ u sieradu na bryfinhu namieśnik načalnika Hienštabu Rasiei Anatol Nahavicyn.
Da ŭčarašniaha dnia Rasieja pryznavała stratu tolki 14 zabitymi i 18 — źnikłymi biaź viestak.
Pavodle zajavaŭ hruzinskaha boku, im udałosia źbić 21 rasiejski samalot. Rasieja pryznaje stratu tolki 4-ch mašynaŭ, u tym liku stratehičnaha bambavika Tu-22.
Saakašvili taksama zajaviŭ, što rasiejskija vojski panieśli straty ŭ 400 čałaviek zabitymi.
Z hruzinskaha boku zahinuła 175 čałaviek, paviedamiŭ ministar achovy zdaroŭja Hruzii Sandro Kvitašvili. Kala dziesiatka hruzinskich sałdat uziatyja ŭ rasiejski pałon.
Źviestak pra straty siarod asiacinskich najomnych i achvotnickich farmavańniaŭ pakul niama.