U biełarusa adabrali hrošy za bulbu
Napadniki ź pistaletam napali na našaha suajčyńnika pad Pieciarburham, adkul biełarus viartaŭsia z vyručkaj ad pradadzienaj bulby.
Uzbrojeny napad na kiroŭcu pustroha hruzavika DAF raśśledujuć supracoŭniki milicyi Puškinskaha rajonu. Na 30‑hadovaha šafiora biełaruskaha pryvatnaha pradpryjemstva «Skavomier» napali 11 žniŭnia a pałovie čaćviortaj načy ŭ sotni metraŭ ad skryžavańnia Kijeŭskaj dy Vałchonskaj šašy
Niečakana furu aśviatlili fary lehkavika. Ź jaho vyjšli dva kaŭkazcy, adzin ź ich trymaŭ u ruce pistalet. Pad pahrozaj zbroi, razbojniki prymusili kiroŭcu addać im 365 tysiač 800 rasiejskich rubloŭ (kala 15 tysiač dalaraŭ) i ŭciakli, adabraŭšy ŭ mužčyny mabilny telefon.
Pavodle źviestak ahienctva, biełarus pryvioz u Pieciarburh bulbu. Za zdadzienuju harodninu jon atrymaŭ hrošy ad aptavika. Pa fakcie razbojnaha napadu ŭsčataja kryminalnaja sprava.