Kolkaść abituryjentaŭ, jakija abrali na CT biełaruskuju movu, vyrasła na rekordnyja 28%
Dyrektar Respublikanskaha instytuta kantrolu viedaŭ Mikałaj Fiaśkoŭ nazvaŭ kolkaść abityrujentaŭ, jakija zapisalisia na centralizavanaje testavańnie pa tym ci inšym pradmiecie.
Ilustracyjnaje fota.
Ahułam zarehistravalisia 92 274 čałaviek. Heta na 8500 čałaviek mienš, čym letaś. Ale z ulikam taho, što ciapier kožnamu dazvolena zdavać pa čatyry pradmiety, kolkaść testaŭ, jakija buduć zdavać abituryjenty, pavialičyłasia.
Na biełaruskuju movu zarehistravalisia amal 28,5 tysiačy čałaviek (letaś było 22,3 tysiačy čałaviek). Rost skłaŭ 28% — heta rekord siarod pradmietaŭ.
Na ruskuju movu zapisalisia 75,4 tysiačy abituryjentaŭ (było 78 tysiač).
Uśled pa papularnaści iduć matematyka (51,5 tysiačy čałaviek), fizika (bolš za 30 tysiač), a taksama bijałohija i anhlijskaja mova — pa 29 tysiač čałaviek.