Biełarus Aleh Navicki viarnuŭsia na Ziamlu
Rasijski kasmanaŭt biełaruskaha pachodžańnia Aleh Navicki viarnuŭsia na Ziamlu praz šeść miesiacaŭ, praviedzienych na Mižnarodnaj kaśmičnaj stancyi. Pra heta paviedamiŭ «Raskosmas», piša Tut.by.
Z MKS viarnulisia dva kasmanaŭty: pradstaŭnik «Raskosmasu» Aleh Navicki i francuz Toma Piaskie, jaki pradstaŭlaŭ Jeŭrapiejskaje kaśmičnaje ahienctva. Jany pryziamlilisia na spuščalnym aparacie karabla «Sajuz MS-03».
Rasstykoŭka karabla z MKS prajšła 2 červienia ŭ 13.50. Paśla «Sajuz MS-03» padzialiŭsia na try častki: spuščalny aparat nakiravaŭsia da Ziamli, a dva adsieki zhareli ŭ ščylnych słajach atmaśfiery.
Na vyšyni prykładna 100 kiłamietraŭ spuščalny aparat uvajšoŭ u ščylnyja słai atmaśfiery. Na vyšyni 10,8 kiłamietra chutkaść spuščalnaha aparata ŭpała z 28 000 da 800 km/h. Dalej paśladoŭna raskrylisia parašuty. U 17.10 jon pryziamliŭsia ŭ Kazachstanie ŭ 147 kiłamietrach na paŭdniovy ŭschod ad horada Žazkazhan.
Ahułam Navicki i Piaskie praviali ŭ kosmasie pa 197 sutak. Jany ŭvachodzili ŭ skład 51-j praciahłaj ekśpiedycyi MKS.