Na Vilejskim vadaschoviščy viecier pierakuliŭ łodku z rybakom
U apošnija dni na vulicy mocny viecier. Tamu katańnie na łodcy moža skončycca sumna.
Tak, 31 maja ŭviečary vyratavalnikam paviedamili pra toje, što ŭ vadaschoviščy znachodzicca mužčyna, piša «Rehijanalnaja hazieta».
Jak raskazali ŭ vilejskaj vyratavalnaj stancyi, mužčyna z Maładziečna rybačyŭ z łodki na vadaschoviščy ŭ Rabuni. Pačaŭsia mocny viecier, padnialisia chvali, łodka pieraviarnułasia. Mužčyna byŭ prykładna ŭ paŭkiłamietry ad bieraha.
Vyratavalniki, jakija pryjechali na miesca, dastali mužčynu z vady. U chałodnym vadaschoviščy maładziečaniec prabyŭ kala 30 chvilin. Ź pieraachałodžańniem jaho advieźli ŭ balnicu.