U Biełarusi vynieśli na hramadskaje abmierkavańnie novy śpis lekaŭ biez recepta
Prajekt dakumienta apublikavany na sajcie Ministerstva achovy zdaroŭja.
U kamientary Minachovy zdaroŭja akcentuje, što «nie ŭvodzić ničoha novaha i nie płanuje zrabić prodaž usich lekavych srodkaŭ tolki pa recepcie. Biezrecepturnyja leki składajuć i buduć składać kala 60% ad usich zarehistravanych u Biełarusi».
Što tyčycca prajekta pieraliku, to ŭ im paznačany leki pad mižnarodnymi niepatentavanymi najmieńniami. Heta značyć, što ŭsie leki z takimi nazvami ŭ formach, ukazanych u pastanovie, niezaležna ad ich handlovych nazvaŭ buduć pradavacca biez receptu.
U pryvatnaści, usie miedykamienty dla lačeńnia prastudy i hrypu, u tym liku «Antyhrypin», «Antyfłu», «Kołdreks». Usie preparaty dla lačeńnia piakotki i hastrytu taksama buduć pradavacca biez receptu.
Jak tłumačyć Ministerstva achovy zdaroŭja, leki, jakija adpuskajucca biez receptu doktara, — tyja, skład i dziejańnie jakich pry prymianieńni ŭ terapieŭtyčnych dozach, ukazanych na ŭpakoŭcy i ŭ instrukcyi pa ŭžyvańni, nie vyklikajuć ryzyki raźvićcia ŭskładnieńniaŭ i pabočnych dziejańniaŭ.