Najbujniejšy rok-fest u Niamieččynie pierapynili praz pahrozu teraktu
Praz paviedamleńnie ab terarystyčnaj pahrozie fiestyval pad adkrytym niebam Rock am Ring, jaki adkryŭsia 2 červienia, prypynili, paviedamlaje DW.
Fota carderobe.com
Na najbujniejšy ŭ Niamieččynie muzyčny fiestyval Rock am Ring źjechalisia 87 000 amataraŭ rok-muzyki. Ale chutka paśla adkryćcia fiestyval spynili praz pahrozu teraktu.
Udzielnikaŭ i hledačoŭ paprasili pakinuć terytoryju, dzie ŭstanoŭlena kancertnaja placoŭka. Arhanizatary, źviarnuŭšysia da publiki, vykazali spadzieŭ, što ŭ subotu fiestyval praciahniecca.
Paviedamleńnie pra spynieńnie festu ŭ piatnicu apublikavana na sajcie fiestyvalu.
Čakajecca, što na praciahu niekalkich hadzin na terytoryju, dzie prachodzić fiestyval (u rajonie viadomaj aŭtahonačnaj trasy Niurburhrynh), pryjedzie ministr unutranych spraŭ fiederalnaj ziamli Rejnłand-Pfalc.