Tramp pieradumaŭ supracoŭničać z Rasijaj pa kibierbiaśpiecy
Prezident ZŠA rastłumačyŭ u tvitary, što choć ideja stvareńnia sumiesnaj z Rasijaj pracoŭnaj hrupy pa kibierbiaśpiecy abmiarkoŭvałasia padčas jaho sustrečy z Pucinym u Hamburhu, nijakich kankretnych damoŭlenaściej dasiahnuta nie było, piša VVS.
«Toj fakt, što prezident Pucin i ja abmiarkoŭvali pracoŭnuju hrupu pa kibierbiaśpiecy, nie značyć, što ja liču, što jana moža być stvoranaja. Nie moža», — napisaŭ Tramp ŭ svaim mikrabłohu.
U niadzielu Tramp pa vynikach samitu «Vialikaj dvaccatki» paviedamiŭ u tvitary, što abmiarkoŭvaŭ z rasijskim prezidentam Uładzimiram Pucinym pytańnie stvareńnia pracoŭnaj hrupy pa kibierbiaśpiecy, jakaja dapamahła b zaścierahčy dźvie krainy ad napadaŭ chakieraŭ.
Rasijski prezident, u svaju čarhu, zajaviŭ, što damoŭlenaść ab stvareńni takoj hrupy ŭžo dasiahnutaja.