Mužčyna pierarezaŭ sabie horła na Kastryčnickaj płoščy ŭ Minsku, ale amapaŭcy jaho ŭratavali
«Našaj Nivie» stała viadoma pra zdareńnie, jakoje adbyłosia ŭ centry stalicy 7 lipienia.
Mužčyna pryjšoŭ na Kastryčnickuju płošču z nažom i ŭskryŭ sabie horła na vačach u milicejskaha patrula.
AMAPaŭcy kinulisia da hetaha čałavieka. Toj pačaŭ uciakać, ale biehaŭ ad ich niadoŭha.
U vyniku jaho skrucili i pieradali ŭ chutkuju.
Fakt zdareńnia «Našaj Nivie» paćvierdziŭ pres-sakratar minskaj milicyi Alaksandr Łastoŭski.
«Sapraŭdy, čałaviek u nieadekvatnym stanie paškodziŭ sabie vostrym pradmietam šyju. Ale nie krytyčna, jaho zavieźli ŭ špital. Što ź im ciapier, ja nie viedaju», — skazaŭ Łastoŭski.