U Žłobinie tokam zabiła 16-hadovaha padletka
Na čyhunačnaj stancyi Žłobin-Padolski tokam zabiła 16-hadovaha padletka, paviedamiła BIEŁTA aficyjny pradstaŭnik USK pa Homielskaj vobłaści Maryja Kryvanohava.
«Dniom 16 lipienia ŭ Žłobinski RAUS pastupiła paviedamleńnie, što pablizu stancyi pamiž aporami kantaktnaj sietki la pražektarnaj mačty znojdziena cieła niepaŭnaletniaha», — raspaviała Maryja Kryvanohava. Zahinuły byŭ studentam Žłobinskaha prafiesijna-techničnaha kaledža.
Jak miarkujecca, padletak staŭ achviaraj elektraduhi. Viadoma, što napružańnie ŭ rajonie kantaktnaj sietki składaje 27 tys. volt, i paražeńnie tokam, asabliva va ŭmovach pavyšanaj vilhotnaści, moža adbycca navat biez kantaktu z dratami. «Vierchniaja častka tułava zahinułaha była całkam abvuhlena, takija paškodžańni charakternyja dla paražeńnia elektryčnym tokam vysokaha napružańnia», — paviedamiŭ padrabiaznaści aficyjny pradstaŭnik upraŭleńnia Dziaržaŭnaha kamiteta sudovych ekśpiertyz pa Homielskaj vobłaści Rusłan Habryloŭ.