Płastykavyja butelki možna budzie zdać za hrošy
Novaŭviadzieńnie zapłanavana na 2020 hod.
U 2020 hodzie ŭ Biełarusi płanujecca ŭvieści depazitnuju sistemu zboru adnarazovaj upakoŭki.
Što takoje depazitnaja sistema? Kali ŭ kramie pradajecca butelka z kvasam za 1 rubiel, pakupnik budzie płacić umoŭna 1,2 rubla. Kali ž jon paśla zdaść pustuju butelku, atrymaje nazad svaje 20 kapiejek.
Płanujecca, što sistema zapracuje z płastykavymi i aluminijevymi ŭpakoŭkami. Heta dazvolić na 10% pavialičyć abjomy vykarystańnia druhasnaj syraviny z kamunalnych adchodaŭ.