Minskaja milicyja pradaje aŭtazaki praz UKantakcie FOTA
U suviazi z abnaŭleńniem aŭtaparku staličnaja milicyja pradaje słužbovyja aŭtamabili.
Aznajomicca z asartymientam možna ŭ supołcy UKantakcie. U najaŭnaści UAZiki, Žyhuli, Łady, niekalki aŭtobusaŭ i mikraaŭtobusaŭ.
I aŭtazak.
Aŭtazak budzie kaštavać 16,5 tysiačy biełaruskich rubloŭ. UAZ — 2 ci 3 tysiačy, iržavy žyhulonak — 1,3 tysiačy.
«Dla tych, chto zachaplajecca rybałkaj abo palavańniem, hety transpart niezamienny ŭ suadnosinach «košt-jakaść». Pa słovach načalnika aŭtahaspadarki HUUS Minharvykankama Valeryja Traŭkina, niekatoryja pakupniki biaruć ich dla paŭsiadzionnych metaŭ, — paviedamlajuć milicyjanty pra słužbovyja aŭto. — Viadoma, hetyja mašyny nie ŭ idealnym stanie, bo jany ŭžo bolš za dziasiatak hadoŭ ekspłuatavalisia, a prabieh ŭžo pieravaliŭ za 100 tysiač kiłamietraŭ. Ale pry peŭnym kaśmietyčnym ramoncie i zamienie niekatorych detalaŭ «žalezny koń» jašče niamała adsłužyć svajmu novamu haspadaru. Varta adznačyć, što takija aŭto karystajucca papularnaściu. Tolki za minuły miesiac było pradadziena ź dziesiatak mašyn».
Pierad prodažam usia milicejskaja atrybutyka z mašyn budzie prybrana. Ich pierafarbujuć i zdymuć mihałki, paviedamili ŭ pres-słužbie minskaj milicyi.