Tramp abvinavaciŭ kanhres u paharšeńni adnosin z Rasijaj
Prezident ZŠA Donald Tramp abvinavaciŭ amierykanski kanhres u tym, što adnosiny Vašynhtona i Maskvy znachodziacca na «niebyvała nizkim uzroŭni», piša VVS.
«Našy adnosiny z Rasijaj znachodziacca na niebyvała nizkim i niebiaśpiečnym uzroŭni. Možacie padziakavać kanhresu, hetyja ž ludzi nie mohuć navat dać nam miedycynu», — napisaŭ jon u svaim tvitary.
Kamientar Trampa prahučaŭ usiaho praz sutki paśla taho, jak jon uchvaliŭ uviadzieńnie novych sankcyj suprać Rasii.
Padpisaŭšy zakon, Tramp adrazu ž zajaviŭ, što jon utrymlivaje «antykanstytucyjnyja normy».
«Ja vystupaju za bolš žorstkija miery, za toje, kab pakarać i spynić ahresiŭnyja i destabilizujučyja pavodziny Irana, Paŭnočnaj Karei i Rasii, i ŭ toj ža čas liču, što hety zakon maje istotnyja niedachopy, — zajaviŭ Tramp. — Kanhres, śpiašajučysia pryniać hety zakon, uklučyŭ u jaho niekalki vidavočna antykanstytucyjnych pałažeńniaŭ».
Hałoŭnaje ŭ novym zakonie — toje, što jon pazbaŭlaje prezidenta mahčymaści admianiać sankcyi suprać Rasii biez dazvołu kanhresa.
Donald Tramp pa chodzie pieradvybarčaj kampanii i ŭ pieršs čas na pasadzie prezidenta kazaŭ, što hatovy naładzić adnosiny z rasijskim prezidentam Uładzimiram Pucinym, kali ź im udasca, pa vyrazie Trampa, «zaklučyć dobruju ździełku».
Rašeńnie kanhresa ZŠA pryniać zakon ab sankcyjach było ŭ pieršuju čarhu pradyktavana mienavita žadańniem pazbavić impulsiŭnaha prezidenta mahčymaści nieabdumana zaklučać padobnyja «ździełki».
Tramp paśla padpisańnia zakona ŭsio ž zaklikaŭ kanhresmienaŭ nie vielmi pieraškadžać jamu ŭ pieramovach pa Ukrainie, a taksama va ŭzajemaadnosinach ź Jeŭrasajuzam.