Hienprakuratura raspačała kryminalnuju spravu pa fakcie źniščeńnia zbožža ŭ Śvisłackim rajonie
Prakuratura Śvisłackaha rajona Hrodzienskaj vobłaści praviała pravierku pa fakcie pryčynieńnia škody sielskahaspadarčamu ŭnitarnamu pradpryjemstvu «Chančycy-Nioman», paviedamlajecca na sajcie Hienieralnaj prakuratury.
Namieśnik hienieralnaha prakurora Biełarusi Hienadź Dysko, vyvučyŭšy materyjały pravierki, ustanaviŭ, što słužbovyja asoby SUP «Chančycy-Nioman» dla vyzvaleńnia pamiaškańniaŭ ziernieskłada ŭ vioscy Montaŭty i pryjomu ŭradžaju hetaha hoda vyrašyli źniščyć bolš za 45 t zbožža trycikale (hibryd pšanicy i žyta) ŭradžaju 2015 hoda, jakija zachoŭvalisia tam. Tym samym słužbovyja asoby nanieśli pradpryjemstvu materyjalnuju škodu.
Pa fakcie pieravyšeńnia słužbovych paŭnamoctvaŭ słužbovymi asobami nazvanaha sielskahaspadarčaha pradpryjemstva namieśnik hienprakurora raspačaŭ kryminalnuju spravu, jakaja nakiravanaja načalniku USK pa Hrodzienskaj vobłaści dla arhanizacyi papiaredniaha rasśledavańnia.