Prakapienia pieradumaŭ kuplać «dačku» Śbierbanka
VP Capital IT-biznesoŭca Viktara Prakapieni adklikaŭ z Nacyjanalnaha banka Ukrainy zajaŭku na nabyćcio Śbierbanka Ukrainy. Pra toje, što kampanija biełarusa pretenduje na hety aktyŭ, stała viadoma ŭ kancy červienia.
Viktar Prakapienia ŭ kamientary TUT.BY paćvierdziŭ adklikańnie zajaŭki:
«My pryniali rašeńnie adklikać z NBU zajaŭku na kuplu ŭkrainskaha PAO «Śbierbank» dla taho, kab skancentravacca na inšych našych płanavanych inviestycyjach i prajektach, nad jakimi my pracujem. Paśla hłybokaha analizu my vyrašyli, što prajekty ŭ śfiery štučnaha intelektu, jakimi zajmajecca VP Capital, źjaŭlajucca najlepšym vykarystańniem našaha času. Vidavočna, što nabyćcio padraździaleńnia mižnarodnaha banka źjaŭlajecca niejmavierna składanym pracesam, jaki patrabujuje vialikaj kolkaści resursaŭ. My pa-raniejšamu ličym, što siońnia kupla biznesu Śbierbanka Ukrainy — heta vydatnaja inviestycyjnaja mahčymaść, ale my vyrašyli sfakusavacca na inšych prajektach, u pryvatnaści, na našych prajektach u vobłaści štučnaha intelektu, jakija patrabujuć dalejšaj pracy pa ich raźvićci».