CNN paviedamiŭ pra «akustyčnuju ataku» na supracoŭnikaŭ pasolstva ZŠA na Kubie
Niekalki supracoŭnikaŭ Dziarždepartamienta ŭ pasolstvie ZŠA na Kubie padvierhlisia «akustyčnaj atacy», paviedamlaje CNN sa spasyłkaj na niekalkich vysokapastaŭlenych čynoŭnikaŭ.
Prynamsi ŭ dvuch supracoŭnikaŭ u vyniku źjavilisia surjoznyja prablemy sa zdaroŭjem, i ich pieravieźli na lačeńnie ŭ ZŠA, raspaviali surazmoŭcy telekanała.
Adna krynica paviedamiła, što hetyja supracoŭniki, mahčyma, nazaŭždy pazbavilisia słychu.
Achviary mierkavanaj «akustyčnaj ataki» z kanca 2016 hoda demanstravali simptomy, padobnyja ź simptomami strasieńnia mozhu.
Dziarždepartament uzdymaŭ hetaje pytańnie ŭ pieramovach z kubinskimi ŭładami, a taksama nakiravaŭ u Havanu amierykanskich miedykaŭ. Adnak vyśvietlić, što mienavita adbyłosia, nie ŭdałosia, adznačaje CNN.
«My pasprabavali vyśvietlić u kubincaŭ, što adbyvajecca. Adnak jany nastojvajuć na tym, što nie viedajuć, pra što havorka», — raspavioŭ surazmoŭca telekanała.
Rasśledavańniem pytańnia zajmajecca FBR.