U centry Vilni manachi siłaj začynili bar: źmianili zamki i pastavili kraty
Rabotniki papularnaha vilenskaha bara 7 fridays, što na vulicy Franciškanskaj, u sieradu ranicaj pieražyli šok: u bar razam z achoŭnikami ŭvarvalisia manachi, zapatrabavali pakinuć pamiaškańnie, a kali jany admovilisia zrabić heta, ich litaralna vynieśli z bara, piša Delfi.lt.
Adrazu ž paśla hetaha na dźviarach ustalavali kraty, źmianili zamki, kab rabotniki nie mahli trapić u pamiaškańnie.
Bar i haścinica znachodziacca ŭ kompleksie franciškanskaha klaštara, jaki naležyć Vilniaus kultūros ir dvasingumo centras. U sakaviku 2017 hoda ŭrad vyrašyŭ pieradać kompleks polskamu ordenu Małodšych bratoŭ kanvientuałaŭ (franciškancaŭ).
Klibas skazaŭ, što ŭziaŭ pamiaškańnie ŭ arendu na 5 hadoŭ, dahavor byŭ zaklučany ŭ 2016, jon usio jašče sapraŭdny. Pa słovach Klibasa, na słovach z klaštaram było dasiahnuta pahadnieńnie, što jany zastanucca ŭ pamiaškańni da 1 listapada hetaha hoda.
«U krasaviku jany dasłali nam dakumient ab vysialeńni, my źviarnulisia ŭ sud, ale ž rašeńnie sudu jašče nie pryniata. Jość jurydyčnyja faktary, jość čałaviečyja, my pa-čałaviečy sprabavali ź imi damovicca, tamu damovilisia ab arendzie da 1 listapada».