Dopis ź Viciebska: U encykłapiedyju «Kultura Biełarusi» ŭklučyli źviestki tolki pra ruskamoŭnych piśmieńnikaŭ z sajuza Čarhinca
Dabraŭ času pahladzieć 6-tomnuju encykłapiedyju «Kultura Biełarusi» (Bieł. encykłapiedyja imia Pietrusia Broŭki, 2010—2015 hh.). Mianie, jak žychara Viciebska, najpierš, viadoma, cikavili źviestki, što datyčać Viciebščyny, u tym liku piersanalij śfiery litaraturnaj. I što znajšoŭ? Usich litarataraŭ Prydźvińnia reprezientujuć u «Kultury Biełarusi» dvoje: B.Bielaženka i T.Krasnova-Husačenka. Pieršy — rasiejska-biełaruski litaratar, druhaja — całkam rasiejskamoŭnaja, uniosak jakoj u litaraturnaje žyćcio vobłaści naohuł nijaki. Ni Hiermana Kiryłava, ni Lery Som, ni Iryny Žarnasiek, ni Siarhieja Rubleŭskaha — nikoha. Navat adnamu z najlepšych ajčynnych pierakładčykaŭ Uładzimiru Papkoviču i pačynalniku litaraturnaha žyćcia ŭ Viciebsku Davidu Simanoviču nie znajšłosia ŭ vydańni miesca. Jak i Alehu Sałtuku, i Maryi Baravik, i Volzie Rusiłcy, i aŭtaru hetaha dopisu, viadoma, i inšym. Jak i mnohim vartym, ale «niepažadanym» staličnym litarataram.