Rasijskija pamiežniki vyratavali la bierahoŭ Kryma biełaruskuju jachtu ź piaćciu turystami
Fota Upraŭleńnia FSB pa RK
Vartavy kater «Manhust» Pamiežnaha ŭpraŭleńnia FSB Rasii pa Krymie pravioŭ paśpiachovuju apieracyju pa vyratavańni zamiežnaj jachty, jakaja ruchałasia pad ściaham Biełarusi, i piaci biełaruskich hramadzian. Pra heta paviedamlaje Kryminfarm sa spasyłkaj na pres-słužbu ŭpraŭleńnia.
Pavodle infarmacyi pamiežnikaŭ, 8 žniŭnia ŭ 18.10 pahraničny vartavy karabiel atrymaŭ sihnał ab dapamozie ad kapitana zamiežnaj jachty typu katamaran (ściah Biełarusi, port prypiski Brest). Sudna, znachodziačysia za 3-4 mili ad bieraha, ciarpieła biedstva z pryčyny mocnaha vietru, jaki znosiŭ jaho ŭsio dalej u adkrytaje mora.
«Užo praz paŭhadziny ekipaž vartavoha katera «Manhust» u rajonie mysa Mikałaja akazvaŭ dapamohu sudnu. Pryniaŭšy na svoj bort piaciarych padarožnikaŭ, vartavik prystupiŭ da buksiroŭki jachty ŭ buchtu Cichaja», — havorycca ŭ paviedamleńni.
U pres-słužbie taksama paviedamili, što vyratavanyja ździajśniali marski kruiz uzdoŭž krymskaha ŭźbiarežža. «Pa ščaślivym źbiehu abstavin u vyniku zdareńnia nichto z haściej Krymu nie paciarpieŭ, i ŭžo siońnia jany praciahnuli padarožža pa vyznačanym maršrucie», - paviedamili ŭ Pahranupraŭleńni.