15 žniŭnia ŭ Biełaruś pačali prybyvać rasijskija vojski
Ad 21 pa 25 žniŭnia 2017 h. u miežach płanavaj padrychtoŭki da sumiesnaha stratehičnaha vučeńnia ŭzbrojenych sił Biełarusi i Rasii «Zachad-2017» adbudziecca sumiesnaje śpiecyjalnaje vučeńnie z orhanami vajskovaha kiravańnia, złučeńniami, vajskovymi častkami i arhanizacyjami tyłavoha, techničnaha zabieśpiačeńnia ŭzbrojenych sił, paviedamiła Minabarony Biełarusi.
«Dla stvareńnia realnaj abstanoŭki i adpracoŭki praktyčnych dziejańniaŭ sił i srodkaŭ tyłavoha i techničnaha zabieśpiačeńnia ŭ časie vučeńniaŭ, u jakaści vojskaŭ abaznačeńnia z 15 žniŭnia prybyvajuć voinskija čaści i padraździaleńni sa składu rasijskaj častki rehijanalnaj hrupoŭki vojskaŭ», — havorycca ŭ paviedamleńni.
Praktyčna buduć adpracavany pytańni techničnaha prykryćcia abjektaŭ na daručanych učastkach vajskova-aŭtamabilnych daroh, evakuacyi, ramontu i adnaŭleńnia niaspraŭnych uzoraŭ techniki i ŭzbrajeńnia, razhortvańnia palavoha mahistralnaha trubapravoda, a taksama ŭčastkaŭ masavaj zapraŭki techniki.
Sami biełaruska-rasijskija vučeńni «Zachad-2017» projduć u Biełarusi ad 14 da 20 vieraśnia.