List čytača: «Adna maci radziła, druhaja sr*ć vadziła»
Šanoŭnaja redakcyja «Naša Niva»!
U Respublicy Biełaruś doŭhi čas idzie razmova pra toje, što biełaruskaja mova nie funkcyjanuje jak dziaržaŭnaja mova Biełarusi, a jak dapamožnaja da rasiejskaj movy, i tut hetak zvanaje «dźviuchmoŭje» daje bolej pravoŭ rasiejskaj movie. Biełaruskaja mova cierpić niedachopy va ŭsich halinach navuki. Samaje hałoŭnaje — adsutnaść univiersiteta, dzie ŭsie pradmiety vykładalisia b pa-biełarusku. Dyk čamu biełarus moža pyšycca movaj čužynca? Heta absurd! Hetak ciahniecca hadami.
Dźviuchmoŭje — heta jak dźvie niańki. Dzicia budzie biez nosa. I jašče možna skazać: adna maci radziła, druhaja sr*ć vadziła.
Nadyšoŭ čas, kab biełaruskaja mova zaniała pačesnaje miesca ŭ dziaržavie Biełaruś. Tolki tady dla naroda nastanie palohka.