Nasta Kudasava. ***tam, dzie son dałanioj aziornaj zakałychvaje strakazu…
*
tam, dzie son dałanioj aziornaj
zakałychvaje strakazu,
dzie nadkusvaješ jabłyki zoraŭ,
dolku poŭni sprabuješ na zub,
dzie parkal błakitnych krynicaŭ
pje ružovy adzinaroh,
dzie niama patreby malicca —
kožny kožnaha tam źbiaroh;
dzie ščaślivy, bieź viečnaha «daj mnie»,
boh uzroščvaje svoj bahun,
tam, dzie nie byvaje rasstańniaŭ,
tam, dzie ja bieź ciabie mahu.