Premjeram Kosava staŭ były palavy kamandzir
Premjer-ministram Kosava pryznačany Ramuš Charadzinaj, były palavy kamandzir kosaŭskich ałbancaŭ, były kiraŭnik uradu rehijonu Kosava ŭ składzie Sierbii.
Prezident Chašym Tačy daručyŭ jamu sfarmavać novy kabiniet. Jaho kandydaturu i skład novaha ŭrada pavinien uchvalić parłamient.
Charadzinaj uznačalvaje «Aljans za budučyniu Kosava», jaki 4 vieraśnia ŭvajšoŭ u kaalicyju z Demakratyčnaj partyjaj Kosava prezidenta Tačy, «Novym aljansam dla Kosava» i partyjaj kosaŭskich sierbaŭ.
Charadzinaj dvojčy abvinavačvaŭsia Mižnarodnym trybunałam u masavych zabojstvach kosaŭskich sierbaŭ i dvojčy byŭ apraŭdany — u krasaviku 2008 hoda i ŭ listapadzie 2012-ha.
Adnak Sierbija dahetul patrabuje jaho vydačy. Na padstavie sierbskaha ordaru Charadzinaj byŭ zatrymany ŭ Francyi ŭ studzieni 2017 hoda, ale paźniej francuzski sud admoviŭsia jaho ekstradavać.