Ułady znoŭ praindeksavali taryfy na niekatoryja ŽKP
U Biełarusi praindeksavali taryfy na niekatoryja vidy žyllova-kamunalnych pasłuh. Ab hetym paviedamlajecca ŭ rašeńniach Minharvykankama, Viciebskaha i Hrodzienskaha abłvykankamaŭ.
U Minsku taryf na vodazabieśpiačeńnie padniali z 0,5322 da 0,5748 rubla, na vodaadviadzieńnie (kanalizacyju) - z 0,3554 da 0,3838 rubla.
Taksama ŭ stalicy taryf na techabsłuhoŭvańnie žyłoha doma zaćvierdzili na ŭzroŭni 0,1084 rubla za 1 kvadratny mietr ahulnaj płoščy žyłoha pamiaškańnia (było 0,1004), a taryf na kapitalny ramont žyłoha doma - 0,0953 rubla za 1 kvadratny mietr ahulnaj płoščy žyłoha pamiaškańnia (było 0,0883).
Taryf na techabsłuhoŭvańnie lifta składzie 1,28 rubla za adnaho pražyvajučaha (było 1,19).