Vučeńni-2017: žycharoŭ Ivacevičaŭ prosiać nie chadzić u les, a ŭ Pružanach — šukać ludziej u kamuflažy
Žycharoŭ Ivacevickaha rajona paprasili ŭstrymacca ad naviedvańnia lasoŭ na čas biełaruska-rasijskich vučeńniaŭ «Zachad-2017», paviedamili TUT.BY ŭ Ivacevickim rajvykankamie.
U vučeńniach buduć zadziejničany terytoryi Dabramyślenskaha, Volkaŭskaha, Cielachanskaha, Śviatavolskaha, Žytlinskaha, Jahlevickaha sielsavietaŭ. U suviazi z hetym miascovyja ŭłady paprasili nie chadzić u les z 14 pa 20 vieraśnia.
U Pružanskim rajonnym vajenkamacie TUT.BY paviedamili, što na čas vučeńniaŭ žycharoŭ prosiać ustrymacca ad naviedvańnia palihona «Ružanski», na jakim projduć praktyčnyja dziejańni orhanaŭ vajennaha kiravańnia.
Akramia taho, jak paviedamlaje pruzhany.net, u horadzie źjavilisia abjavy, jakija papiaredžvajuć hramadzian ab tym, što z 12 pa 20 vieraśnia na terytoryi rajona «mahčymyja dziejańni dyviersijna-raźviedvalnych hrup praciŭnika i niezakonnych uzbrojenych farmiravańniaŭ z metaj praviadzieńnia roznych dyviersij».
«Z metaj svoječasovaha vyjaŭleńnia i zachopu dyviersantaŭ, prośba hramadzian, jakija majuć infarmacyju na hramadzian, jakija pravodzili zbor infarmacyi ab schiemach prajezdu, ab miescach dysłakacyi abjektaŭ enierhietyki, pramysłovaści i inš., ab padazronych hramadzianach, a taksama hramadzianach u kamuflažnaj formie adzieńnia nieadkładna paviedamlać u RAUS», — paznačana ŭ abjavie.
Vučeńni «Zachad-2017» projduć z 14 pa 20 vieraśnia. Usiaho ŭ ich voźmuć udzieł da 12 700 vajskoŭcaŭ, ź ich kala 10 tysiač - na biełaruskaj terytoryi. Kala 3000 ź ich — z Rasii. Płanujecca zadziejničać u manieŭrach da 680 adzinak bajavoj techniki