Ź Minska ŭ Vilniu pryjšoŭ pieršy pasažyrski elektraciahnik. Dvuchpaviarchovy
Delfi.lt
13 vieraśnia ŭ Litvu ź Minska prybyŭ pieršy pasažyrski elektraciahnik. Heta byŭ probny rejs. Płanujuć, što rehularna ciahniki pamiž Litvoj i Minskam pačnuć kursiravać sa śniežnia.
Pa słovach hiendyrektara «Litoŭskaj čyhunki» Mantasa Bartuški, pa hetym maršrucie buduć kursiravać novyja ciahniki, zakuplenyja ŭ hetym hodzie. «Novyja ciahniki dla hetaha maršrutu ŭžo dastaŭleny ŭ Litvu.
Heta sučasnyja dvuchpaviarchovyja elektraciahniki, jakija raźvivajuć chutkaść da 160 km/h.
U ciahniku jość miescy pieršaha i druhoha kłasa, dziejničaje Wi-fi», — skazaŭ Bartuška.
Ciahniki dla «ŁČ» vypuściła češskaja kampanija Škoda Vagonka.
Ciahniki majuć try vahony, u ich 290 siadziačych miescaŭ, ź ich 23 - u pieršym kłasie. U ciahniku abstalavany sučasnyja sistemy aŭdyjo- i videainfarmavańnia pasažyraŭ i sistemy nazirańnia ŭ sałonach i za ich miežami. U vahonach na śpiecyjalnych miescach možna pieravozić rovary, možna pieravozić kałyski i habarytny bahaž, možna zaradzić noŭtbuk abo mabilny telefon. Ciahnik prystasavany i dla invalidaŭ.
Vilnia—Minsk — adzin z samych papularnych maršrutaŭ «ŁČ». Im u pieršyja 8 miesiacaŭ hetaha hoda skarystalisia 200 000 pasažyraŭ.