Pamior były kiraŭnik Nacbanka Hienadź Alejnikaŭ
Siońnia na 70-m hodzie pajšoŭ z žyćcia viadomy biełaruski bankir Hienadź Alejnikaŭ. Pra heta TUT.BY raspaviali surazmoŭcy ŭ bankaŭskaj śfiery.
Alejnikaŭ naradziŭsia ŭ 1947 hodzie ŭ Minsku. Skončyŭ Biełaruski dziaržaŭny instytut narodnaj haspadarki i maskoŭskuju Akademiju źniešniaha handlu.
Bankaŭskuju karjeru pačaŭ u Minsku ŭ 1977 hodzie. Byŭ kredytnym inśpiektaram Frunzienskaha adździaleńnia Dziaržbanka SSSR. Pastupova daros da namieśnika staršyni praŭleńnia — načalnika płanava-ekanamičnaha ŭpraŭleńnia Biełaruskaha respublikanskaha banka Źniešekanambanka SSSR. Paśla razvału SSSR ŭznačaliŭ Biełźniešekanombank. U 1997 hodzie byŭ pryznačany staršynioj praŭleńnia Nacbanka Biełarusi. Adnak u sakaviku 1998 hoda na fonie kryzisu byŭ adpraŭleny ŭ adstaŭku ŭ suviazi z rezkim padzieńniem kursu nacyjanalnaj valuty.
Nieŭzabavie ŭznačaliŭ «Bank mižnarodnaha handlu i inviestycyj». U 2008 hodzie «Mižtorhbank» byŭ pradadzieny Alfa-Banku, a Alejnikaŭ pakinuŭ pasadu staršyni praŭleńnia.
U Hienadzia Alejnikava zastalisia žonka i troje synoŭ. Žonka - dyrektar RNPC dziciačaj ankałohii, hiematałohii i imunałohii, prafiesar Volha Alejnikava.
Samy viadomy z synoŭ — Maksim, pradziusier i kampazitar.