Makron zajaviŭ ab niemahčymaści pierahledzieć Paryžskaje pahadnieńnie pa klimacie
Prezident Francyi Emaniuel Makron zajaviŭ, što Paryžskaje pahadnieńnie pa klimacie nie moža być pierahledžanaje. Pra heta jon skazaŭ u svaim pieršym vystupie na Hienieralnaj Asamblei AAN, paviedamlaje France Info.
«Paryžskaje pahadnieńnie nie budzie pierahledžanaje… my nie zrobim krokaŭ nazad», — adznačyŭ francuzski lidar.
Makron padkreśliŭ, što «dźviery ŭ Paryžskaje pahadnieńnie pa klimacie buduć zaŭsiody adkrytyja dla Złučanych Štataŭ, ale my praciahniem jaho realizoŭvać».
U pačatku červienia prezident ZŠA Donald Tramp abviaściŭ, što Złučanyja Štaty vychodziać z Paryžskaha pahadnieńnia pa klimacie.