Kiraŭnik MZS Paŭnočnaj Karei nazvaŭ vystup Trampa «sabačym brecham»
Ministr zamiežnych spraŭ Paŭnočnaj Karei Li Jon Cho, jaki prybyŭ u Ńju-Jork dla ŭdziełu ŭ siesii Hienasamblei AAN, nazvaŭ vystup amierykanskaha prezidenta Donalda Trampa «sabačym brecham», pieradaje «Jonchap».
«Kali jon dumaje, što sabačym brecham nas možna spałochać, to heta sapraŭdy sabačyja fantazii», — skazaŭ ministr, majučy na ŭvazie, jak adznačaje ahienctva, paŭnočnakarejskuju prymaŭku «sabaka breša, a pracesija ruchajecca». U karejskaj movie vyraz «sabačyja fantazii» aznačaje absurd, biessensoŭnaść, tłumačycca ŭ paviedamleńni.