Berlinskaja ściana
Samit Ukraina – ES u Paryžy nie prynios ukrainskamu boku ničoha šmatabiacalnaha. Pryčyna - u staŭleńni Niamieččyny.
Samit Ukraina – ES u Paryžy nie prynios ukrainskamu boku ničoha šmatabiacalnaha, aproč zapeŭnivańniaŭ u eŭrapiejskaści krainy, pišuć brytanskija ŚMI.
Nadziei Ŭkrainy na ciaśniejšyja dačynieńni z ES, jak sposab zachavańnia ad pretenzijaŭ Rasiei, pachavanyja, pišuć brytanskija «Financial Times» i «Guardian».
Na aŭtorkavym samicie ŭ Paryžy, jaki ciapier staršyniuje ŭ Eŭrasajuzie, aficyjny Kijeŭ tak i nie pačuŭ pra perspektyvy členstva ŭ sajuzie. Pavodle brytanskaj presy, najbolš nieachvotna abmiarkoŭvali eŭraperspektyvy Ŭkrainy Niamieččyny i Halandyja.
Padkreślivajecca, što pamiž čalcami ES niama adzinstva pa ŭkrainskim pytańni. Aficyjnamu Kijevu zakidajecca palityčnaja niestabilnaść, u pryvatnaści apošni pa časie raspad prazachodniaj uradavaj kaalicyi. Akramia taho, piša «The Times», Niamieččyna, Italija dy krainy Beniluksu apasajucca paharšeńnia stasunkaŭ z Rasiejaj.
Francyja, z ahladkaj na Niamieččynu i Halandyju, sprabavała padać Ukrainie pazytyŭny znak, akreślić perspektyvu supracoŭnictva, adnak Kijeŭ niepakoicca, što vysiłki ŭ hetym nakirunku asłabnuć, jak tolki acichnie kryzys u Hruzii.