Prapahandysty z AFN
Z pošty Redakcyi. Piša Anatol Sidarevič.
Daŭno viadoma, što internet-resurs Ahientstvo Finansovych Novostiej pamierła b, kali b raspaŭsiudžvała tolki infarmacyju i analityčnyja materyjały na finansavyja temy. Adnak nie tolki infarmacyju i analityku jano raspaŭsiudžvaje. Inšy raz jano nie suprać zaniacca i prapahandaj.
Voś litaralna dziesiać chvilin tamu ja pračytaŭ na sajcie AFN materyjał pra toje, što staršynia Partyi BNF Lavon Barščeŭski nazvaŭ falsifikacyjaj zvarot kandydataŭ u deputaty ad partyi z prośbaj pierahledzieć rašeńnie ab źniaćci kandydatami svaich kandydatur za 5 dzion da vybaraŭ.
Ale nia ŭ hetym cymus karespandencyi. Cymus – u zahałoŭku: «Mieniedžmient ZAO «Partija BNF» niedovolen žiełanijem podčiniennych rabotať do konca vyborov».
Zamiest taho, kab prainfarmavać nas ab pohladzie Ł. Barščeŭskaha i jahonaha apanenta Ju. Hubareviča na sam zvarot, AFN zahałoŭkam karespandencyi sprabuje padkazać čytaču: pahladzicie, jakija kaki hetyja kiraŭniki BNF, jany zrabili z partyi zakrytaje akcyjaniernaje tavarstva.
Heta ŭžo nie infarmacyja, a prapahanda. Heta ŭžo jaŭny napad na kiraŭnictva partyi. Heta sproba nastroić i šarahovych siabraŭ PBNF, i biespartyjnych čytačoŭ suprać kiraŭnictva partyi, suprać Lavona Barščeŭskaha ŭ pryvatnaści.
Balšavizm u našaj žurnalistycy nieŭmiručy.