Sałaša pakarali za «falsyfikatarak vybaraŭ»
chronika apazycyi
Lidera barysaŭskaj supołki Partyi BNF Siarhieja Sałaša aštrafavali na 25 bazavych vieličyniaŭ (875 tysiač rubloŭ) za paklop na pradstaŭnic vybarčaj kamisij.
Lidera barysaŭskaj supołki Partyi BNF Siarhieja Sałaša aštrafavali na 25 bazavych vieličyniaŭ (875 tysiač rubloŭ) za paklop na pradstaŭnic vybarčaj kamisij. Sałaša abvinavacili, što 4 žniŭnia jon nazvaŭ sakratarku haradzkoj vybarčaj kamisii Tacianu Stasavu i namieśnicu staršyni rajvykankamu Valancinu Šutko «falsyfikatarkami vybaraŭ».
Spn.Šutko na sud nie prajšła, bo spasłałasia na bolš važnyja spravy. Biblijatekarka SŠ №11 Stasava na pracesie zajaviła, što jana «nie družit ź biełaruskim jazykom». Jak vyśvietliłasia na sudzie, sama Šutko hetych słovaŭ nia čuła, a viedaje pra ich ad supracoŭnika rajvykankamu Maleina.
Pakazańni śviedak z boku Sałaša sudom razhledžanyja nie byli. Urešcie sudździa Alena Bačyšča pakarała palityka štrafam. Na pracesie prysutničali pradstaŭniki ABSE, a taksama kala 20 čałaviek pryjšło padtrymać Sałaša.
Aktyvist źbirajecca abskardžvać hetaje rašeńnie. Nahadajem, što Siarhiej Sałaš išoŭ pa śpisie ADS pa Barysaŭskaj viaskovaj akruzie, ale nia byŭ zarehistravany.