Andora — Biełaruś — 1:3
Ličby nie pavinny ŭvodzić u zman. Pieršaja pieramoha nacyjanalnaj zbornaj u adboračnym cykle da čempijanatu śvietu dałasia vielmi vialikimi siłami.
Ličby nie pavinny ŭvodzić u zman. Pieršaja pieramoha nacyjanalnaj zbornaj u adboračnym cykle da čempijanatu śvietu dałasia vielmi vialikimi siłami.
Zrešty, chto dumaŭ što budzie pa inšamu? Tak, Andora pa‑raniejšamu źjaŭlajecca futbolnym karlikam, jaki nie prajhraje nadzvyčaj redka. Adnak kamanda hatovaja dać boj luboj zbornaj, u subotu heta dobra adčuli anhielcy.
Uvohule, za ŭsiu svaju historyju kamanda z hornaj dziaržavy vyjhravała tolki trojčy. Pryčym, pieršaja pieramoha była zdabytaja ŭ krasaviku 2000 nad Biełaruśsiu — 2:0.
Z taho momantu bahata źmianiłasia. Skažam, u składzie našaj kamandy nie zastałosia nivodnaha hulca ŭzoru 2000 hodu. A dva hady nazad była jašče adna hulnia hetych kamand u Miensku, tam biełarusy nie pakinuli supierniku šancaŭ — 3:0.
Jak adznačali mnohija, hałoŭnym dla biełarusaŭ było zabić chutki hoł, kab trochu raźniavolić hulniu. Andorcy ŭsioj kamandaj mužna adbivalisia, a kamanda Štanhie ŭparta šukała klučyka ŭ bramaŭ supiernika. Adkryć lik atrymałasia tolki na 37‑aj chvilinie, kali paśla padačy štrafnoha na vastryni ataki niečakana apynulisia da centralnych abaroncy. Filipienka skinuŭ miač pad udar Viarchoŭcavu, a toj nia zdrejfiŭ — 1:0. Pry hetym na paŭtory było vyrazna bačna, što «naftanaviec» krychu padpichnuŭ haspadara, ale sudździa heta nie zaŭvažyŭ.
U pačatku druhoha tajmu Alaksandar Kulčy z dalokaj dystancyi bachnuŭ u skryžavańnie varot andorcaŭ. Biełarusy pa‑raniejšamu atakavali, ale da realnych pahrozaŭ sprava amal nie dachodziła.
Nu a na 67‑aj chvilinie valijski arbitar Sajman Evans razhledzieŭ parušeńnie ŭ štrafnoj biełarusaŭ. Praviły parušaŭ usio toj ža Viarchoŭcaŭ, jaki jašče atrymaŭ žoŭtuju kartku. Parušeńnie było nie vidavočnaje, ale, mahčyma, sudździa prosta chacieŭ adyhracca za niapravilna zaličany hoł u tajmie pieršym. Jak by toje nie było, ale Mark Puchol z «kropki» nie pramazaŭ — 1:1.
Biełarusy rynulisia zabivać. Chacia ŭžo zdavałasia, što andorskaje praklaćcie nam tak i nia ŭdasca źniać. U dadzienym momancie svajo važkaje słova syhraŭ Alaksandar Hleb. Mienavita jon na 79‑aj chvilinie pačaŭ ataku, jakuju trapnym tyčkom u daloki kut varot zaviaršyŭ rezervist Vital Radzivonaŭ — 2:1.
Andorcy, jaki zrazumieli, što ad ich sychodziać takija hanarovyja punkty, kinulisia lik vyraŭnivać. Haspadary krychu zabyli pra abaronu. Usio toj ža Hleb vyvieŭ na pazycyju Radzivonava. Vital praciahnuŭ miač, moh zabivać sam, ale ŭbačyŭ, što ŭ bolš vyhadnaj pazycyi znachodzicca Hleb‑małodšy. Viačasłavu zastavałasia tolki padstavić nahu — 3:1.
Takaja voś nialohkaja pieramoha. Nastupny matč naša kamanda praviadzie ŭ Miensku z Anhlijaj 14 kastryčnika.
* * *
U našaj hrupie adbyŭsia jašče adzin matč. Ukraina ŭ haściach pieramhła Kazachstan 3:1. Pozna ŭviečary skončycca hulnia lideraŭ hrupy Charvatyi i Anhlii.
Stanovišča ŭ šostaj adboračnaj hrupie takoje: Ukraina — 6 punktaŭ (2 hulni), Charvatyja — 3 (1), Anhlija — 3 (1), Biełaruś — 3 (2), Kazachstan — 3 (3), Andora — 0 (3).