Łambardyja i Vienieta prahałasavali za pašyreńnie aŭtanomii
Žychary samych bahatych rehijonaŭ Italii — Łambardyi i Vienieta — prahałasavali na simvaličnym refierendumie za pašyreńnie aŭtanomii, śćviardžajuć sa spasyłkaj na papiarednija vyniki kiraŭniki abiedźviuch paŭnočnych abłaściej.
Vyniki refierendumu nie majuć jurydyčnaj siły dla centralnaha ŭrada ŭ Rymie.
U Łambardyi jaŭka skłała 40%, u Vienieta — 57%. Pa słovach miascovych uładaŭ, bolš za 90% tych, chto pryjšoŭ vykazalisia za vialikuju aŭtanomiju.
Łambardyja, kudy ŭvachodzić finansavaja stalica Italii — Miłan, i rehijon Vienieta sa stalicaj u Vieniecyi — samyja ekanamična paśpiachovyja rehijony krainy. Ich dola ŭ VUP Italii składaje 30 adsotkaŭ.
Adna z hałoŭnych pretenzij rehijonaŭ u tym, što jany płaciać Rymu kudy bolš padatkaŭ, čym atrymlivajuć ź biudžetu. Jak śledstva jany chočuć skaracić svaje vypłaty Rymu prynamsi ŭdvaja.
Łambardyja ŭ hod addaje na 54 młrd jeŭra (za 64 młrd dalaraŭ) bolš, čym atrymlivaje, a Vienieta — na 15,5 miljarda jeŭra (18,2 młrd dalaraŭ).