Jak vyhladaje pieramožca čempijanatu Rasii pa bodzibiłdynhu z Navapołacka FOTY
25-hadovy novapałačanin Illa Łukaviec staŭ pieramožcam čempijanatu Rasii pa bodzibiłdynhu, paviedamlaje ximik.info.
U Astrachani zaviaršyŭsia 29-y Adkryty čempijanat i pieršynstvo Rasii pa bodzibiłdynhu i fitnesu. U spabornictvach brali ŭdzieł kala 500 spartsmienaŭ z roznych kutkoŭ Rasii, a taksama pradstaŭniki Ukrainy, Biełarusi i Irana. U samaj ciažkaj i prestyžnaj katehoryi 100+ pieramožcam staŭ novapałačanin Illa Łukaviec.
Litaralna tydzień tamu Illa Łukaviec staŭ absalutnym pieramožcam katehoryi «bodzibiłdynh» na adkrytym Kubku Biełarusi pa bodzibiłdynhu i fitnesie, jaki adbyŭsia ŭ Mahilovie.
Illa skončyŭ inžynierny fakultet PDU, pracuje majstram-vyratavalnikam u PARA-1, a taksama instruktaram u trenažornaj zale. Svaju spartyŭnuju karjeru novapałačanin pačynaŭ z vodnych łyž, staŭ majstram sportu. Šeść hadoŭ tamu zachapiŭsia bodzibiłdynham, płanuje stać prafiesijnym spartsmienam Mižnarodnaj fiederacyi bodzibiłdynhu i fitnesu (IFBB).