Ukraina nazvała ŭmovy kupli hazu ŭ Rasii
Reuters.com
Ukraina moža adnavić kuplu hazu ŭ Rasii, kali punkt uliku paliva budzie pieraniesieny z zachodniaj na ŭschodniuju miažu krainy. Pra heta zajaviŭ vice-premjer Ukrainy Uładzimir Kiścion u intervju «Ekanamičnaj praŭdzie».
«Nikoli nie kažy nikoli. Pry hetym my pavinny razumieć, što biaspłatny syr byvaje tolki ŭ pastcy. My možam praanalizavać papiaredni dośvied, kali nas pryvabnymi ŭmovami pryviazvali, a potym vyrašali ŭsie svaje pytańni», — skazaŭ Kiścion adkazvajučy na pytańnie pra mahčymaść viartańnia da zakupkach hazu ŭ Rasii.
Pavodle jaho słoŭ, u hetym farmacie impart rasijskaha paliva va Ukrainu - heta «vielmi ryzykoŭna i biezadkazna».
***
21 kastryčnika kamiercyjny dyrektar NAK «Naftahaz Ukrainy» Jury Vitrenka zajaviŭ, što isnuje imaviernaść taho, što da 2030 hoda Kijeŭ znoŭ pačnie zakuplać haz u Rasii.
Ukraina pierastała kuplać rasijski haz u listapadzie 2015 hoda i pačała nabyvać jaho ŭ Jeŭropie, tłumačačy heta bolš nizkaj canoj. Paźniej «Naftahaz» pryznaŭ, što «Hazprom» prapanavaŭ Kijevu paliva pa bolš pryvabnaj canie, čym jeŭrapiejskija pastaŭščyki. Rasijski haz abyšoŭsia b Ukrainie pa 172-175 dalaraŭ za tysiaču kubamietraŭ.