Barak Abama nie ŭkrainskaja pornazorka
Novaja kamputarnaja pošaść prychodzić z adrasu infonews@obama.com, a ŭ «temie paviedamleńnia» napisana «!!!Obama sex video» (Seks‑videa z Abamam).
Stvaralniki kamputarnych virusaŭ nie pierastajuć uražvać svajoj kreatyŭnaściu: čarhovaja prahrama, jakaja raspaŭsiudžvajecca praz elektronnuju poštu, abiacaje atrymalnikam pornaklip z udziełam kandydata na prezydenckaje kresła Barakam Abamam, ale ž nasamreč ustaloŭvaje špijonskuju prahramu, jakaja kradzie asabistyja paroli.
Nie davajcie viery tamu, što pišuć u Siecivie: kandydat ad Demakratyčnaj partyi Barak Abama nie musulmanski teraryst, i pahatoŭ — nie ŭkrainskaja pornazorka, jak toje śćviardžajuć stvaralniki virusnaj prahramy, pra jakuju paviedamlaje Cnet.
Prahrama‑špijonka raspaŭsiudžvajecca pa elektronnaj pošcie razam z paviedamleńniem, jakoje ŭtrymlivaje spasyłku na klip z Barakam u atačeńni ŭkrainskich maładzic. Klikańnie na spasyłku, moža, i viadzie da pornarolika, ale siarod aktorskaha kalektyvu spadara Abamy nie nazirajecca. Tym ža časam kamputar chapaje ŭsiakuju zarazu, takuju jak virus Mal/Hupig‑D, što kradzie asabistuju infarmacyju i paroli z žorstkaha dysku.
Jak vyjavić špijonku? Hrehem Kłuli, hałoŭny daradčyk pa biaśpiecy ŭ kampanii Sophos tłumačyć, što kamputarnaja pošaść prychodzić z adrasu infonews@obama.com, a ŭ «temie paviedamleńnia» napisana «!!!Obama sex video» (Seks‑videa z Abamam!)