Anhlikanskaja carkva paprasiła prabačeńnia ŭ Čarlza Darvina
Za toje, što niapravilna zrazumieła jahonuju teoryju evalucyi, jakaja, miž inšym, śćviardžaje, što čałaviek pachodzić ad małpy.
Učora anhlikanskaja carkva aficyjna paprasiła prabačeńnie ŭ Čarlza Darvina, za toje, što niapravilna zrazumieła jahonuju teoryju evalucyi, jakaja, miž inšym, śćviardžaje, što čałaviek pachodzić ad małpy.
Hetaje krychu zapoźnienaje pieraprašeńnie źviernutaje da samoha navukoŭca, jaki pajšoŭ z žyćcia 126 hadoŭ tamu. Zhodna z paviedamleńniami brytanskaj presy, naščadki Darvina ŭžo nazvali jaho «niedarečnym» i «žalu hodnym».
Niekatoryja krynicy ŭ samoj carkvie paraŭnoŭvajuć hetaje aficyjnaje prabačeńnie z kolišnim rašeńniem Jana Paŭła II prabačycca ad imia Kaściołu za sud nad Halilejem. Sud adbyŭsia ŭ 1633 h., paśla taho, jak navukoviec navažyŭsia publična abvieścić, što Ziamla krucicca vakoł Sonca, a nie naadvarot.
Na aficyjnym sajcie anhlikanskaj carkvy pravialebny Malkalm Braŭn napisaŭ nastupnyja słovy: «Čarlz Darvin, praz 200 hadoŭ paśla Vašaha naradžeńnia, anhlikanskaja carkva prosić u Vas prabačeńnia za toje, što nie zrazumieła Vas jak śled, i za svaju reakcyju, što zaachvočvała inšych razumieć Vas niapravilna».