Novy pazoŭ da redakcyi «Haziety Słonimskaj»
Pazoŭ u sud nakiravała staršynia Słonimskaha hramadzkaha abjadnańnia «Biełaruskaje tavarystva invalidaŭ» Alena Novikava.
Hałoŭny redaktar «Haziety Słonimskaj» Viktar Vaładaščuk, što vydańnie znoŭ apynułasia ŭ składanaj sytuacyi: jamu pahražaje bujny hrašovy štraf.
«Pazoŭ u sud nakiravała staršynia Słonimskaha hramadzkaha abjadnańnia «Biełaruskaje tavarystva invalidaŭ» Alena Novikava.Jana nibyta pakryŭdziłasia na publikacyju ŭ žnivieńskim numary «HS» i patrabuje hrašovaj kampensacyi «za maralnyja straty ŭ pamiery 5 miljonaŭ 800 tysiač rubloŭ». Ja liču hetaje patrabavańnie absalutna nadumanym, bo našaha žurnalista zaprasili na razmovu, adkryta raskazali pra ŭsie svaje prablemy, a ciapier jaho ž i abvinavačvajuć».
Nahadajem, što sioleta ŭ červieni redakcyju «Haziety Słonimskaj» vysielili z pamiaškańnia ŭ słonimskim Domie bytu, jakoje jana zajmała apošnija siem hadoŭ. Jašče i ciapier vyviezienaja mebla i archiŭ znachodziacca ŭ čužych haražach. Pracoŭnyja miescy abstalavanyja ŭ achviaravanaj dla redakcyi pryvatnaj draŭlanaj chatcy. Reklamu hazeta zmušanaja źbirać u šapiku na słonimskim rynku.
Raniej «Hazietu Słonimskuju» vykinuli z padpisnoha katalohu. Paśla pastupiŭ zahad nie pradavać jaje ŭ šapikach «Biełsajuzdruku» i ŭ kramach dziaržaŭnaha handlu.
Ale i pad hetaj zabaronaj nakład 40‑staronkavaj «Haziety Słonimskaj» składaje 7 tysiač paasobnikaŭ. Akramia taho, redakcyja vydaje jašče adnu hazetu — «Otdušina». Nakład jaje — 4 tysiačy asobnikaŭ, a vychodzić jana na 8 staronak.
Sioleta «Hazieta Słonimskaja» stała laŭreatam premii «Svabodnaja presa Ŭschodniaj Eŭropy» imia Hierda Buceryjusa. Hetaja ŭznaharoda prysudžana za jakasnaje aśviatleńnie padziejaŭ u rehijonie.