Nie ŭ turmie, ale i nie na svabodzie
U krasaviku — traŭni da chatniaj chimii prysudzili niekalkich aktyvistaŭ demakratyčnaha ruchu. Jak jany adbyvajuć svaje pakarańni?
Z 14 pakaranych sudom udzielnikaŭ studzieńskaha mitynhu pradprymalnikaŭ pakarańnie adbyŭ tolki Andrej Kim. Aktyvista vypuścili z kalonii ŭ žniŭni na padstavie admysłovaha ukazu Alaksandra Łukašenki.
Jašče dva aktyvisty, Uładzimier Siarhiejeŭ i Anton Kojpiš, byli pakaranyja štrafam. Uładzimier Siarhiejeŭ musić zapłacić 3,5 miljona rubloŭ. Štraf jon jašče nie płaciŭ, bo praciahvaje asprečvać pakarańnie. Jakraz učora Ŭładzimier padaŭ nahladnuju skarhu ŭ Mienski haradzki sud. Jahonuju skarhu musiać razhledzieć da 15 kastryčnika. Da hetaha času aktyvist zastajecca pad padpiskaj pra niavyjezd.
Jašče 10 čałaviek pakaranyja sudom da abmiežavańnia voli biez nakiravańnia va ŭstanovy zakrytaha typu.
Pradprymalnik Michał Subač, jak i bolšaść, atrymaŭ 2 hady hetaj, jak jon kaža, »chatniaj chimii». Siarhiej skardzicca, što stała vielmi ciažka zajmacca biznesam:
«Nasamreč vielmi napružvaje. Ch
valujeśsia, kab nie spaźnicca. Milicyjant papiaredziŭ, što adna chvilina spaźnieńnia — heta papiaredžańnie, a try papiaredžańni — kalonija.I jašče ja škaduju, što nie mahu zaraz udzielničać u hramadzkim žyćci, bo mušu ŭ volny čas ad pracy znachodzicca doma».
Adnak nia ŭsie z asudžanych na «chatniuju chimiju» majuć pracu. Demakratyčny aktyvist Aleś Stralcoŭ pavodle adukacyi — menedžer u halinie źniešnieekanamičnaj dziejnaści. Niekalki miesiacaŭ zapar Aleś biespaśpiachova sprabuje ŭładkavacca na pracu. «Kali bačać, što ŭ mianie pakarańnie pa kryminalnym artykule, dy jašče z palityčnym uchiłam, kažuć: prabačcie, jašče z‑za vas u nas buduć niepryjemnaści». Zaraz aktyvistu pahražaje prymusovaje nakiravańnie na pracu:
«Jak pašluć pracavać kačaharam, značyć, budu kačaharam. Było b, kaniečnie, viesieła, kab mianie znoŭ nakiravali pracavać na «Haryzont», dzie ja ŭžo prymusova adpracavaŭ 2 hady paśla ŭniversytetu. Kali tak, budu padymać «Haryzont».
Michasiu Kryvavu i Michasiu Paškieviču taksama treba rehularna adznačacca ŭ milicyi, zabaroniena zachodzić u žyllo inšych asob, na vulicy možna być nia bolej za 2 hadziny na dzień, nielha ŭdzielničać u vuličnych akcyjach.Ale abodva znajšli pracu va ŭpravie AHP, i heta daje mahčymaść nie vypadać z demakratyčnaha pracesu. Michaś kaža, što źbiraŭsia razam ź siabrami adznačyć Dzień biełaruskaj salidarnaści na płoščy, ale vyrašyŭ, što važniej budzie zastacca na voli:
«28 vieraśnia buduć parlamenckija vybary, i zaraz, kali zastałosia mieniej za dva tydni, a jašče šmat prablem i z ahitacyjnymi materyjałami, i z pracaj z vybarcami, nasamreč bolš mužnaści treba, kab zastacca na voli i dapracavać u vybarčaj kampanii. Bo zašmat času skrali hetyja razmovy nakont bajkotu — nie bajkotu».
Michaś Kryvaŭ ŭ razmovie adznačyŭ, što pry kantaktach ź milicyjantami sustreŭ tych, jakija jamu spačuvajuć i vykazvajuć salidarnaść z apazycyjanerami.