Łukašenka zahadaŭ «štampavać» čempijonaŭ śvietu
«Vy ŭhrochali siudy 150 miljardaŭ, i my spytajem za vynik»
Alaksandr Łukašenka ličyć, što dziaržava pavinnaja atrymlivać adpaviednuju addaču i vynik ad srodkaŭ, układzienych u budaŭnictva novych spartovych abjektaŭ.
«Vy pavinnyja tut štampavać čempijonaŭ śvietu i alimpijskich čempijonaŭ. Vy ŭhrochali siudy 150 miljardaŭ, i my spytajem za vynik»,— zajaviŭ A.Łukašenka, naviedvajučy ŭ Pinsku novy ŭniviersalny spartovy kompleks «Chvala».
Biełaruski kiraŭnik u cełym stanoŭča acaniŭ stvoranyja ŭ sportkompleksie mahčymaści jak dla zaniatku fizkulturaj, tak i dla padrychtoŭki spartoŭcaŭ vysokaha kłasa. Pry hetym A. Łukašenka padkreśliŭ, što dadzienaja infrastruktura pavinnaja vykarystoŭvacca na 100 %, kab była mahčymaść pakryć častku vydatkaŭ na jaje ŭtrymańnie.
Padčas naviedvańniaŭ dadzienaha spartovaha abjekta, była taksama zakranutaja prablema padrychtoŭki kadraŭ z vyšejšaj adukacyjaj dla pracy ŭ spartovych ustanovach. U pryvatnaści, jon ličyć, što pry niedachopie adpaviednych kadraŭ dla pracy ŭ sportkompleksach pavinnyja pryciahvacca nastaŭniki fizičnaj kultury.
«Prymuście nastaŭnikaŭ fizkultury pracavać, i nie treba płakacca,što Radźkoŭ (Alaksandr Radźkoŭ — ministr adukacyi), zabraŭ u vas treci ŭrok fizkultury», — skazaŭ A.Łukašenka.
Jon zajaviŭ, što «my budziem stvarać pracoŭnyja miescy tam, dzie vyhodna dziaržavie, i chaj čałaviek idzie da hetaha pracoŭnaha miesca, a nie naadvarot».