Sotni čałaviek stajać u čarzie pa iPhone X u Maskvie za dva dni da pačatku jaho prodažaŭ FOTY
Aficyjnyja prodažy novaha ajfona ŭ Maskvie startujuć 3 listapada a 8-j ranicy ŭ adnoj z kramaŭ. Za dźvie hadziny da hetaha pradaŭcy razdaduć branzalety, pa jakich i buduć vydavać smartfony, pieradaje hi-tech.mail.ru. Ale ŭžo za 2 dni da startu kala kramy pačała źbiracca čarha.
Niekalki sotniaŭ čałaviek dziažurać paźmienna i hrejucca ŭ kafe pablizu. Pieryjadyčna jany pravodziać pierakličku. U asnoŭnym heta maładyja ludzi, studenty ŭ pošukach lohkaj nažyvy. Bo pierapradać možna nie tolki doŭhačakany smartfon, ale i miesca ŭ samoj čarzie za im.
Za «simvaličnyja» 1360 biełaruskich rubloŭ — 50% ad koštu samaho smartfona na 64 HB — pradprymalnyja žychary Maskvy hatovyja pradać svaju pazicyju ŭ čarzie.